Sharqiy Xitoy, Yaponiya va Janubiy Koreyani dahshatli “Xinnamnor” tayfuni qamrab oldi. Oqibatda minglab odamlar evakuatsiya qilinishga majbur bo‘lmoqda. Bu haqda Reuters xabar bermoqda.
Xitoyning sharqiy qismidagi shaharlar parom qatnovini to‘xtatdi. Yaponiyada esa yakshanba (4-sentabr) kunidan boshlab reyslar bekor qilindi.
Ushbu tayfun hozirda to‘rtta xavfli toifaning uchinchisi sifatida baholanmoqda. Bunda atmosfera bosimi 945 gektopaskal va maksimal shamol tezligi soatiga 450 kilometr bo‘lgan “juda kuchli” deb tasniflangan.
Kuchli shamolli yomg‘ir janubiy viloyatlarda daraxtlar va yo‘llarni vayron qilgani aytilmoqda. Shu sababdan 20 mingdan ortiq xonadon elektr ta’minotisiz qolgan.
“Xinnamnor” – 400 metr masofaga ega bo‘lgan juda katta tayfun bo‘lib, u deyarli butun mamlakat bo‘ylab kuchli shamolli yomg‘irni olib yurishi mumkin”, — deydi prognozchi Xan Sang-un.Seshanba (6-sentabr) kuni ertalab Janubiy Koreyaning Ulsan shahridan 3 ming 463 kishi evakuatsiya qilingan. 25 yoshli bir erkak bedarak yo‘qolgan. Yana ikki kishi halok bo‘lgan.
600 dan ortiq maktab yopilgan. 250 dan ortiq ichki reyslar bekor qilingan. Mamlakatning turli hududlarida paromlar harakati ham to‘xtatilgan. Shuningdek, 66 mingdan ortiq baliqchi qayiqlari portlarga evakuatsiya qilinmoqda.
Izoh (0)