“Antiliya” osmono‘par binosi Hindistonning Mumbay shahrida joylashgan bo‘lib, hind tadbirkori Mukesh Ambanining mulki hisoblanadi. Uning umumiy boyligi 45 milliard dollarni tashkil qiladi. Tadbirkor dunyodagi eng boy odamlar orasida beshinchi o‘rinda turadi.
Uyning maydoni 37 ming kvadrat metrni tashkil qiladi. Bino juda baland shiftli 27 qavatdan iborat. Binoning umumiy balandligi 173 metr, Rossiya Federatsiyasi Tashqi ishlar vazirligi binosining balandligi esa 172 metrni tashkil qiladi. Ushbu bino dunyodagi eng katta turar-joy binosi bo‘lib, unda inson yashashi uchun kerak bo‘lgan hamma narsa va qulayliklar mavjud.
Osmono‘par binoda bir xil xona yo‘q, har bir qavat o‘ziga xos uslubda yaratilgan. Bino Rixter shkalasi bo‘yicha 8 balli zilzilaga bardosh beradigan tarzda qurilgan.
Turar joy tepasida missiyani boshqarish markazi va uchta vertolyot maydonchasi joylashgan. Birinchi olti qavatda 168 ta mashina uchun joy mavjud. Binoning yettinchi qavatidagi janubiy qismida shaxsiy avtoulovlarga xizmat ko‘rsatish joyi, sakkizinchi qavatda esa 50 o‘rinli teatr mavjud. Binoda bir nechta basseynlar, kurortlar, masjid, hatto osilgan bog‘lar va bal zali bor.
Uydagi eng noodatiy xonalardan biri “qor xonasi”, u sun’iy qor va muzdan yasalgan xona hisoblanadi. Yozda bu xona qish rejimiga tushadi va havo issig‘iga dosh berishga yordam beradi. Xizmatchilar uchun maxsus jihozlangan alohida qavatlar mavjud, doimiy xodimlarning umumiy soni taxminan 600 kishini tashkil qiladi.
Osmono‘par binoning yuqori qavatlarida milliarderning oilasi yashaydi. Uyda jami 6 kishi: Mukesh Ambani, Nita Ambani, uning rafiqasi, uchta katta yoshli farzandi va Mukesh Ambani onasi istiqomat qiladi. Uyda harakatlanish qulayligi uchun to‘qqizta tezyurar lift mavjud bo‘lib, ulardan ikkitasi xizmatchilar uchun mo‘ljallangan.
Osmono‘par binoni qurish g‘oyasi Nita Ambaniga tegishli. Uyning qurilishi roppa-rosa yetti yil davom etgan. Bino Chikagolik arxitektorlar tomonidan loyihalashtirilgan, dizayn lotus guli va quyoshga o‘xshash tarzda yaratilgan.
Osmono‘par bino o‘z nomini Atlantika okeanidagi Antiliya mifologik arvoh-oroli sharafiga oldi. Binoning derazalari butun shaharning, jumladan, xarobalarning, qashshoqlarning va qashshoqlik ko‘rinishini taqdim etadi.
Uy 2 milliard AQSH dollariga baholanmoqda. Ushbu bino bir oila yashaydigan dunyodagi eng qimmat xususiy uy hisoblanadi.
Mavzuga doir:
- Braziliya haqida ensiklopediyalardan ko‘ra ko‘proq ma’lumot bera oladigan hayotiy suratlar.
- 70 yoshli talaba, autist bolaning istagi. Har qanday insonning jilmayishiga sabab bo‘ladigan quvnoq suratlar.
- Yer sayyorasining san’at asari darajasidagi betakror manzaralari aks etgan suratlar.
- Faqatgina Toj Mahal, Shohrux Xon yoki Holi festivali emas: Hindistonning qanchalik g‘aroyib mamlakat ekanini siz o‘ylamagan rakursda ko‘rsatib beruvchi suratlar.
Izoh (0)