«Антилия» осмонўпар биноси Ҳиндистоннинг Мумбай шаҳрида жойлашган бўлиб, ҳинд тадбиркори Мукеш Амбанининг мулки ҳисобланади. Унинг умумий бойлиги 45 миллиард долларни ташкил қилади. Тадбиркор дунёдаги энг бой одамлар орасида бешинчи ўринда туради.
Уйнинг майдони 37 минг квадрат метрни ташкил қилади. Бино жуда баланд шифтли 27 қаватдан иборат. Бинонинг умумий баландлиги 173 метр, Россия Федерацияси Ташқи ишлар вазирлиги биносининг баландлиги эса 172 метрни ташкил қилади. Ушбу бино дунёдаги энг катта турар-жой биноси бўлиб, унда инсон яшаши учун керак бўлган ҳамма нарса ва қулайликлар мавжуд.
Осмонўпар бинода бир хил хона йўқ, ҳар бир қават ўзига хос услубда яратилган. Бино Рихтер шкаласи бўйича 8 балли зилзилага бардош берадиган тарзда қурилган.
Турар жой тепасида миссияни бошқариш маркази ва учта вертолёт майдончаси жойлашган. Биринчи олти қаватда 168 та машина учун жой мавжуд. Бинонинг еттинчи қаватидаги жанубий қисмида шахсий автоуловларга хизмат кўрсатиш жойи, саккизинчи қаватда эса 50 ўринли театр мавжуд. Бинода бир нечта бассейнлар, курортлар, масжид, ҳатто осилган боғлар ва бал зали бор.
Уйдаги энг ноодатий хоналардан бири «қор хонаси», у сунъий қор ва муздан ясалган хона ҳисобланади. Ёзда бу хона қиш режимига тушади ва ҳаво иссиғига дош беришга ёрдам беради. Хизматчилар учун махсус жиҳозланган алоҳида қаватлар мавжуд, доимий ходимларнинг умумий сони тахминан 600 кишини ташкил қилади.
Осмонўпар бинонинг юқори қаватларида миллиардернинг оиласи яшайди. Уйда жами 6 киши: Мукеш Амбани, Нита Амбани, унинг рафиқаси, учта катта ёшли фарзанди ва Мукеш Амбани онаси истиқомат қилади. Уйда ҳаракатланиш қулайлиги учун тўққизта тезюрар лифт мавжуд бўлиб, улардан иккитаси хизматчилар учун мўлжалланган.
Осмонўпар бинони қуриш ғояси Нита Амбанига тегишли. Уйнинг қурилиши роппа-роса етти йил давом этган. Бино Чикаголик архитекторлар томонидан лойиҳалаштирилган, дизайн лотус гули ва қуёшга ўхшаш тарзда яратилган.
Осмонўпар бино ўз номини Атлантика океанидаги Антилия мифологик арвоҳ-ороли шарафига олди. Бинонинг деразалари бутун шаҳарнинг, жумладан, харобаларнинг, қашшоқларнинг ва қашшоқлик кўринишини тақдим этади.
Уй 2 миллиард АҚШ долларига баҳоланмоқда. Ушбу бино бир оила яшайдиган дунёдаги энг қиммат хусусий уй ҳисобланади.
Мавзуга доир:
- Бразилия ҳақида энциклопедиялардан кўра кўпроқ маълумот бера оладиган ҳаётий суратлар.
- 70 ёшли талаба, аутист боланинг истаги. Ҳар қандай инсоннинг жилмайишига сабаб бўладиган қувноқ суратлар.
- Ер сайёрасининг санъат асари даражасидаги бетакрор манзаралари акс этган суратлар.
- Фақатгина Тож Маҳал, Шоҳрух Хон ёки Ҳоли фестивали эмас: Ҳиндистоннинг қанчалик ғаройиб мамлакат эканини сиз ўйламаган ракурсда кўрсатиб берувчи суратлар.
Изоҳ (0)