Futbol bo‘yicha Angliya Premyer Ligasining 6-turidan o‘rin olgan qator uchrashuvlar 3-sentabr, shanba kuni bo‘lib o‘tdi.
“Tottenhem” o‘z maydonida “Fulhem” bilan bahs olib bordi. Uchrashuvning 40-daqiqasida Pyer-Emil Hyoyberg hisobni ochdi. 75-daqiqada Harry Keyn “shporlar”ning ikkinchi goliga mualliflik qildi. 82-daqiqada Aleksandr Mitrovich hisobni qisqartirdi. 90-daqiqada Risharlison o‘z hisobiga gol yozdirib qo‘ydi. Biroq ushbu gol o‘yindan tashqari holat tufayli bekor qilindi.
“Chelsi” “Vest Hem”ni qabul qildi. Birinchi bo‘limda darvozalar daxlsizligi saqlanib qoldi. 62-daqiqada Mikael Antonio hisobni ochdi. 76-daqiqada Tyago Silvaning to‘p uzatishidan so‘ng Ben Chiluell muvozanatni tikladi. 88-daqiqada Kay Haverts londonliklarni hisobda oldinga olib chiqdi, Oradan 2 daqiqa o‘tib, Maksvel Kornet hisobni tenglashtirdi. Biroq hakam “Vest Hem” futbolchisi Mendiga nisbatan jarima maydonida qo‘pollik ishlatdi, deb topib, golni bekor qildi.
“Aristokratlar” ushbu g‘alabadan so‘ng ochkolarini 10 taga yetkazib, 5-o‘rinni egalladi. “Tottenhem” esa 14 ochko bilan 2-o‘rinni band etdi.
APL
6-tur bahslari
3-sentabr, shanba
“Tottenhem” – “Fulhem” 2:1
Gollar: 1:0 – 40 Hyoyberg, 2:0 – 75 Keyn, 2:1 – 83 Mitrovich.“Tottenxem”: Lyoris, Emerson, Dayer, Langle, Romero, Sessenyon, Son, Hyoyberg, Bentankur, Keyn, Risharlison.
“Fulhem”: Leno, Tete, Rim, Adarabioyo, Robinson (Mbabu, 29), Kebano (Villian, 60), Rid, Pereyra (Kerni, 61), Palinya (Vinisius, 85), Dekordova-Rid (Jeyms, 60), Mitrovich.
Ogohlantirishlar: Romero (27), Tete (36), Dekordova-Rid (55), Palinya (63), Bentankur (69), Mitrovich (86), Risharlison (90).
“Chelsi” – “Vest Hem” 2:1
Gollar: 0:1 – 62 Antonio, 1:1 – 76 Chiluell, 2:1 – 88 Haverts.“Chelsi”: Mendi, Jeyms, Tiago Silva, Kulibali, Fofana, Chiluell, Kukurelya, Jorjinyo, Maunt, Haverts, Kovachich, Loftus-Chik, Gallaher, Broya, Pulishich, Sterling.
“Vest Hem”: Fabianski, Soufal, Zuma, Kerer, Emerson, Souchek, Rays, Fornals, Lukas Paketa, Antonio, Bouen.
Ogohlantirishlar: Loftus-Chik (9), Kukurelya (35), Jeyms (54), Antonio (54), Kerer (90), Haverts (90).
Izoh (0)