SSSRning so‘nggi rahbari Mixail Gorbachyov nafaqat yirik siyosatchi balki bir qator reklamalar yulduzi ham bo‘lgan.
Gorbachyov Amerikaning Pizza Hut kompaniyasi reklamasida suratga tushgan. U mazkur reklama uchun 1 million dollar olgani aytiladi. Shunday darajadagi inson tijoriy reklamada chiqqani ko‘plab savollar tug‘dirgan. Gorbachyovning aytishicha, u o‘sha paytda tadqiqot instituti fondini moliyalashtirish uchun pulga juda muhtoj edi, boshqa takliflarga rad bergan bo‘lsa-da, Pizza Hut’ning taklifini rad eta olmagan.
O‘sha paytda jahon hamjamiyati Sovet Ittifoqi sobiq prezidentining bu harakatini qulash yoki uning faoliyatidagi eng quyi nuqta deb baholagan.
Bundan tashqari Mixail Gorbachyov Louis Vitton fransuz brendining yuziga ham aylangan.
2007-yilda Gorbachyov Louis Vuitton moda uyining reklama kampaniyasida ishtirok etgan. Fotosuratlar afsonaviy fotograf Enni Leybovits tomonidan olingan va Vogue jurnalining Amerika versiyasida chop etilgan.
U chamadonlar va sayohat aksessuarlarini reklama qilgan.
Mavzuga doir: Dunyoni o‘zgartirgan va sovuq urushga barham bergan Mixail Gorbachyovning hayot yo‘li — suratlarda
Izoh (0)