Ҳам сиёсатчи, ҳам реклама юлдузи: Горбачёвнинг кўпчиликка номаълум қирралари

СССРнинг сўнгги раҳбари Михаил Горбачёв нафақат йирик сиёсатчи балки бир қатор рекламалар юлдузи ҳам бўлган.

Горбачёв Американинг Pizza Hut компанияси рекламасида суратга тушган. У мазкур реклама учун 1 миллион доллар олгани айтилади. Шундай даражадаги инсон тижорий рекламада чиққани кўплаб саволлар туғдирган. Горбачёвнинг айтишича, у ўша пайтда тадқиқот институти фондини молиялаштириш учун пулга жуда муҳтож эди, бошқа таклифларга рад берган бўлса-да, Pizza Hut’нинг таклифини рад эта олмаган.

Ўша пайтда жаҳон ҳамжамияти Совет Иттифоқи собиқ президентининг бу ҳаракатини қулаш ёки унинг фаолиятидаги энг қуйи нуқта деб баҳолаган.

Бундан ташқари Михаил Горбачёв Louis Vitton француз брендининг юзига ҳам айланган.

2007 йилда Горбачёв Louis Vuitton мода уйининг реклама кампаниясида иштирок этган. Фотосуратлар афсонавий фотограф Энни Лейбовиц томонидан олинган ва Vogue журналининг Америка версиясида чоп этилган.

У чамадонлар ва саёҳат аксессуарларини реклама қилган.

Мавзуга доир: Дунёни ўзгартирган ва совуқ урушга барҳам берган Михаил Горбачёвнинг ҳаёт йўли — суратларда