Hozirgi kunda Bollivud so‘zi boykot tushunchasi bilan birga qo‘llanilmoqda. Birinchi nishon Amir Xonning “Laal Singh Chadha” filmi edi, endi esa Shohrux Xonning navbatdagi loyihasi “Pathaan”ga zarar yetkazishga urinayotgan tvitlar ham yuzaga kelmoqda.
Kamdan-kam hollarda bahs-munozaralarga qo‘shiladigan hind kino olamining yulduzi Ritik Roshan Amir Xonning yangi filmini maqtaganidan so‘ng boykot to‘dasining navbatdagi nishoniga aylandi va buning natijasida mashhur xeshteg ham paydo bo‘ldi. Shuningdek, Kinematografiya uyushmasi trollarga hech qanday munosabat bildirmay “xato qilganini” aytgan Arjun Kapurga qarshi memlar ham yaratildi
Kino biznesida nimalar bo‘lmoqda?
Afsuski, raqamlar kamdan-kam hollarda yolg‘on bo‘lib chiqadi. Amir Xon 2016-yilda Bollivuddagi eng katta tijoratga ega mashhur loyihalardan birini taqdim etdi. Bu “Kurash” nomli sportga bag‘ishlangan drama edi. Oradan olti yil o‘tgach, u “Laal Singh Chadha” filmini e’lon qildi, biroq ushbu film budjetining to‘rtdan bir qismini ham topa olmadi. Akshay Kumarning “Rakshabandhan” filmi dam olish kunlarida tomoshabinlarni jalb qilishiga umid qilingandi, ammo ikkala film ham muvaffaqiyatsizlikka uchradi.
Akshayning “Rakshabandhan” filmi ssenariysini Kanika Dillon turmush o‘rtog‘i Himanshu Sharma bilan birga yozgan, u yaqinda avval yozgan 17 ta tvitini o‘chirib tashladi. Bu “Rakshabandhan”ni boykot qilishga chaqiriqlar kuchayganidan keyin sodir bo‘ldi. O‘chirilgan tvitlar orasida Kanikaning Modi hukumatiga qarshi gaplari ham bor.
“Bollivud ssenariylar inqiroziga uchradi. Ushbu boykot tendensiyalari biznesning atigi 5 foiziga ta’sir qiladi. Haqiqiy muammo shundaki, hikoyalar odamlar bilan aloqani yo‘qotdi”, — deydi tahlilchi va jurnalist Komal Nahta.
Yana bir tahlilchi Himesh Mankad: “Bular umuman boykot tendensiyalari emas. Bu tarkib. “Gangubay Kathiavadi” ham boykot qilindi, biroq film 10 million dollardan ko‘proq daromad olishga muvaffaq bo‘ldi”, — deb izoh bergan.
Pandemiya ham odamlarni kinoteatrlarga qaytaruvchi omillardan biriga aylandi va hozir tomoshabinlar ko‘rishga arziydigan kinolarni afzal ko‘rmoqda. So‘nggi paytlarda katta mablag‘ olib kelgan yagona loyihalar: “RRR”, “KGF-2” va “Pushpa” filmlari bo‘ldi.
“Ayrim oilalarga kinoteatrda film tomosha qilish uchun 25 dollar sarflash noqulay. Tomoshabinlar OTT platformalariga o‘tganidan keyin dramalar mablag‘ topmayapti. Aslida bu nafaqat hind filmlariga, balki Gollivud filmlariga ham tegishli. Faqat “Tor: Sevgi va momaqaldiroq” va “Doktor Strenj: telbalik multidunyosida” filmlari xitga aylandi. Uill Smit “Oskar” mukofotining qo‘lga kiritishiga sabab bo‘lgan “Qirol Richard” filmi tijoriy muvaffaqiyatsizlikka uchradi”, — deydi Bixardan bo‘lgan distribyutor Vishek Chauxon.
“Odamlar dam olish uchun kinoteatrlarga boradi. Ular “darslarni” xohlamaydi”, — deydi Vishek.
“Laal Singh Chadha” va “Rakshabandhan” kassalarda muvaffaqiyat qozonmagan bo‘lsa ham, telugu filmi “Kartikeya 2” (2014-yildagi xuddi shu nomdagi loyihaning davomi) o‘z kolleksiyalari bilan hatto Shimoliy Hindistonda ham shov-shuvga sabab bo‘ldi. Film doktor Kartikeye (Nikhil Siddhartha) haqida bo‘lib, u Lord Krishnaning tug‘ilgan joyi Dvarkaga sayohat qiladi va bir sirga aralashib qoladi.
Mumbaydagi G7 multipleksi va Maratha Mandir kinoteatrining bosh ijrochi direktori Manoj Desai: “Tomoshabinlar haqiqatan ham bu voqeaning ichiga kirdi. Bu hikoyaning asosi nafaqat hind madaniyatiga, balki shoumenlikka ham tegishli. Men teatrlarimdagi namoyishlarni ko‘paytirish haqida o‘ylayapman”, — dedi.
Yana bir muammo — yulduzlarning baland gonorari. Yaqinda e’lon qilingan hisobotga ko‘ra, Akshay Kumar har bir filmdagi ijrosi uchun 12 million dollardan ko‘proq haq oladi. Ma’lum bo‘lishicha, Ritik Roshan va Ajay Devgan har bir film uchun 8 million dollar atrofida daromad olmoqda.
Amir Xon, Salmon Xon va Shohrux Xon filmlardan tushgan foydani taqsimlanishiga ishonadi. Amir Xon filmlardan tushgan foydaning qariyb 75 foizini, Shohrux 65 foizini olgani aytilgan. Salmon Xon o‘z filmlarining raqamli huquqlarni sotishdan tushgan foydani taqsimlashda ishtirok etadi.
Rajastanlik distribyutor Raj Bansal: “Yulduzlar gonorarini keskin oshirdi va natijada filmning o‘ziga sarflash uchun ko‘p pul qolmayapti. Bu biznesga ta’sir qiladi. Bundan tashqari, bugungi kunda tomoshabinlar filmlarning OTT platformalarida paydo bo‘lishini kutmoqda. Bunday vaziyatda aktyorlarning yuqori gonorari shunchaki o‘zini oqlamaydi”, — dedi.
Endi kino ijodkorlar hind kinosining o‘zgaruvchan dinamikasiga qanday moslashayotgani haqida gapirish lozim. Ayni paytda, “Laal Singh Chadha” yilning eng muvaffaqiyatsiz filmi sifatida tan olingan. Netflix unga bo‘lgan huquqlarni sotib olishdan bosh tortdi va ishlab chiqaruvchilar bilan kelishuvni yakunladi. Ma’lum bo‘lishicha, Amir Xon bu holat sabab juda tushkunlikka tushgan va sarosimadaki, u Hindistondan AQShga ikki oy muddatga jo‘nab ketgan va u yerda “qayta ishga tushib, o‘ziga kelishni” rejalashtirgan.
Akshay Kumarni “Katastrofam” filmining muvaffaqiyatsiz bo‘lgani qiziqtirmaydi, bu holat u uchun begona emas, ya’ni bu rejissorning yil hisobidan uchinchi muvaffaqiyatsizlikka uchragan filmi bo‘ldi (“Bachchan Pandey” va “Samrat Prithviraj” filmlaridan keyin). U o‘z relizlari bilan muxlislarni bezovta qilmayapti va keyingi loyihasini ilgari surmoqda.
Mavzuga doir:
Izoh (0)