Ijtimoiy tarmoqlarda Samarqand tumani “Motrud” MFY hududida joylashgan IV–V asrlarga oid “Qunduz so‘fi” obyekti buzib yuborilayotgani haqida xabar tarqaldi. Madaniy meros agentligi holat yuzasidan rasmiy munosabat bildirdi.
Qayd etilishicha, Yahyo G‘ulomov nomidagi Samarqand arxeologiya institutining xulosalariga tayangan holda Madaniy meros agentligi tomonidan quyidagilar ma’lum bo‘ldi. Murojaatda belgilangan qurilish olib borilayotgan joy o‘rganilganda u Zarafshon daryosining chap qirg‘og‘i terassasining birinchi qatlami va geologik tuproq yotqiziqlaridan iborat hudud ekani aniqlandi. Qurilish maydonida va unga tutash hududda arxeologik qatlam izlari qayd etilmadi.
Qurilish olib borilayotgan joy “Qunduz so‘fi” arxeologiya obyektining muhofaza zonasidan 70–100 metr uzoqlikda joylashgan.
Shu o‘rinda jamoatchilik vakillari, blogerlar va ommaviy axborot vositalaridan o‘rganilmagan, asossiz ma’lumotlar bilan aholini chalg‘itmasliklarini so‘rab qolamiz, zero aholi o‘rtasida yolg‘on axborot tarqatganlik uchun javobgarlik mavjud, — deyiladi agentlik xabarida.
Izoh (0)