Javohir Sindorov BAAda o‘tgan xalqaro shaxmat musobaqasida 2-o‘rinni qo‘lga kiritdi

BAAning Abu-Dabi shahrida xalqaro shaxmat musobaqasi bo‘lib o‘tdi.

Musobaqada 31 mamlakatdan 148 nafar shaxmatchi g‘oliblik uchun kurashgan. O‘zbekiston vakili Javohir Sindorov 9 imkoniyatdan 7 ochko jamg‘arib, ikkinchi o‘rinni egalladi. 1-o‘rin 7,5 ochko to‘plagan hindistonlik Arjun Erigaysiga nasib etdi.

Mazkur turnirda O‘zbekistondan yana bir qator shaxmatchilar ishtirok etdi. Nodirbek Yoqubboyev (6,5) 5-o‘rinni band etgan bo‘lsa, Shamsiddin Vohidov (6) 20-pog‘onani band etdi.

Nodirbek Abdusattorov, Javohir Sindorov, Nodirbek Yoqubboyev, Shamsiddin Vohidov va Jahongir Vohidovlardan iborat O‘zbekiston shaxmat terma jamoasi 2022-yilgi Butunjahon shaxmat Olimpiadasida g‘oliblikni qo‘lga kiritgandi. Bu g‘alabadan keyin shaxmatchilar pul mukofotlari va avtomobil bilan taqdirlangandi.