“Yuventus” Arkadiush Milikni o‘z safiga qo‘shib olganini ma’lum qildi.
Turinliklar 28 yoshlik polshalik futbolchini “Marsel”dan bir mavsumga ijaraga oldi.
Ijara uchun “Yuventus” 800 ming yevro va qo‘shimcha xarajatlar uchun 100 ming yevro to‘laydi.
Shuningdek, Turin klubi Milikni 7 million yevro evaziga sotib olish huquqiga ham ega. Agar ushbu band faollashsa, bu narx “Marsel”ga uch yil davomida to‘lab beriladi.
Shartnomaga bonus sifatida 2 million yevro to‘lash ham ko‘rsatilgan.
Arkadiush ortda qolgan mavsumda Liga 1 ning 23 ta o‘yinida ishtirok etib, 7 ta golga mualliflik qilgan.
Izoh (0)