Futbol bo‘yicha O‘zbekiston Kubogining nimchorak finalidan o‘rin olgan bahsda “OKMK” 25-avgust, payshanba kuni “Metallurg”ga qarshi maydonga tushdi.
Uchrashuvning 75-daqiqasida Bektemir Abdumannov hisobni ochdi. Oradan biroz vaqt o‘tib, Sanjar Tursunov muvozanatni tikladi. O‘yinning qolgan daqiqalarida darvozalar daxlsizligi saqlanib qoldi. Asosiy vaqtlarda durang natija qayd etilgach, uchrashuv qo‘shimcha bo‘limlarda davom ettirildi.
95-daqiqada Akrom Komilov olmaliqliklarni hisobda oldinga olib chiqdi. 113-daqiqada Mirjahon Mirahmadov navbatdagi golga mualliflik qildi va “OKMK”ning ishonchli g‘alabasiga hissa qo‘shdi.
Shu tariqa Mirjalol Qosimov shogirdlari chorak finalda o‘z yurishini davom ettirdi.
O‘zbekiston Kubogi
1/8 final bahsi
25-avgust, payshanba
“OKMK” — “Metallurg” 3:1
Gollar: 0:1 — 75 Bektemir Abdumannov, 1:1 — 83 Sanjar Tursunov, 2:1 — 95 Akrom Komilov, 3:1 — 113 Mirjahon Mirahmadov.“OKMK”: 1. Botirali Ergashev, 3. Sardor Rahmonov (9. Dan Spataru, 81), 4. Mirjamol Qosimov (8. Abdulla Abdullaev, 74), 7. Dilshod Ahmadaliyev, 10. Xurshid G‘iyosov, 15. Giorgi Papava, 16. Artyom Filiposyan, 17. Sanjar Tursunov (5. Anzur Ismoilov, 103), 22. Shohruh Gadoyev, 27. Martin Boake (99. Mirjahon Mirahmadov, 70), 88. Siyavash Haqnazari (63. Alisher Jalilov, 81).
“Metallurg”: 87. Akmal Ortiqov, 4. Kerim Palich, 7. Boburbek Farhodov (9. Zabihillo O‘rinboyev, 58), 10. Bektemir Abdumannonov (25. Shahzodjon Ne’matjonov, 78), 14. Abrorbek Toshqo‘ziyev, 18. Anvarjon G‘ofurov, 22. Shahzodbek G‘ofurbekov (19. Ergash Ismoilov, 90+2), 27. Ixtiyor Toshpo‘latov (28. Nosirjon Abdusalomov), 30. Ibrohim Ibragimov (16. Jasur Xolto‘rayev, 90+2), 80. Farrux Ibrohimov, 97. Muhammadali Aliqulov.
Ogohlantirishlar: Martin Boake (4), Sardor Rahmonov (23), Muhammadali Aliqulov (29), Ibrohim Ibragimov (55).
Izoh (0)