AQSHning Kasalliklarni nazorat qilish va oldini olish markazi Xalqaro sayohat qoidalariga (CDC) o‘zgartirish kiritdi. Shu sabab dunyoning sobiq birinchi raqamli raketkachisi Novak Jokovich “Ulkan toj” turkumiga kiruvchi US Open—2022 turnirida ishtirok eta olmaydi.
Tashkilotning 24-avgust kungi ko‘rsatmasida fuqaroligi bo‘lmagan shaxslar AQSHga parvoz qilishdan oldin koronavirusga qarshi emlangan bo‘lishi kerakligi aniq bayon etilgan.
Jokovich Shimoliy Amerikadagi barcha turnirlarni o‘tkazib yuboradi. AQSH va Kanada hukumati koronavirusga qarshi emlanmagan odamlarni mamlakatga kirishini taqiqlamoqda.
Serbiyalik sportchi emlanmoqchi emasligini bir necha bor ta’kidlagan.
Eslatib o‘tamiz, Novak yanvar oyida Australian Open musobaqasiga borgan, biroq koronavirusga qarshi emlanmagani uchun Avstraliyadan deport qilingandi.
Novak Jokovich iyul oyida faoliyatidagi yettinchi “Uimbldon” sovrinini qo‘lga kiritgandi.
Izoh (0)