АҚШнинг Касалликларни назорат қилиш ва олдини олиш маркази Халқаро саёҳат қоидаларига (CDC) ўзгартириш киритди. Шу сабаб дунёнинг собиқ биринчи рақамли ракеткачиси Новак Жокович «Улкан тож» туркумига кирувчи US Open—2022 турнирида иштирок эта олмайди.
Ташкилотнинг 24 август кунги кўрсатмасида фуқаролиги бўлмаган шахслар АҚШга парвоз қилишдан олдин коронавирусга қарши эмланган бўлиши кераклиги аниқ баён этилган.
Жокович Шимолий Америкадаги барча турнирларни ўтказиб юборади. АҚШ ва Канада ҳукумати коронавирусга қарши эмланмаган одамларни мамлакатга киришини тақиқламоқда.
Сербиялик спортчи эмланмоқчи эмаслигини бир неча бор таъкидлаган.
Эслатиб ўтамиз, Новак январь ойида Australian Open мусобақасига борган, бироқ коронавирусга қарши эмланмагани учун Австралиядан депорт қилинганди.
Новак Жокович июль ойида фаолиятидаги еттинчи «Уимблдон» совринини қўлга киритганди.
Изоҳ (0)