“Oriyent Metal” mikroprotsessorli tizimlar ishlab chiqarishni o‘zlashtirdi

“Oriyent Group” tarkibiga kiruvchi “Oriyent Metal” temir yo‘l sanoati uchun kompleks yechimlarni ishlab chiqadi.

Korxonada temir yo‘l uskunalari tizimlari uchun zamonaviy mikroprotsessor qurilmalari ishlab chiqarish, temir yo‘l transportining stansiya, harakat va diagnostika tizimlarini qurish, ulardan foydalanish va ularga xizmat ko‘rsatish bo‘yicha xizmatlar ko‘rsatish rejalashtirilgan.

Eng yirik buyurtmachilardan biri – “O‘zbekiston temir yo‘llari” AJ uchun “Oriyent Metal” kompaniyasi yo‘l uchastkalari va boshqa yordamchi inshootlarning xavfsizligiga mas’ul stansiyalarda strelka va signallarni mikroprotsessorli markazlashtirishning (MPM) murakkab tizimini joriy qilmoqda.

“Oriyent Metal” kompaniyasi rahbari Dilshod Shukurov loyiha to‘g‘risida ma’lumot berdi.

“Bu O‘zbekistonda birinchi bo‘lib temir yo‘l va metropoliten xavfsizligini oshiruvchi loyihadir. Loyiha doirasida mavjud poyezdlar harakatini boshqarish tizimlarini modernizatsiya va rekonstruksiya qilish, shuningdek, byudjet xarajatlarini 50 foizgacha kamaytirish ko‘zda tutilgan”, – dedi “Oriyent Metal” rahbari.

Bundan tashqari, kompaniya temir yo‘l transportida avtomatlashtirish, telemexanika va aloqa sohasida konsalting xizmatlarini taklif etadi. Shu bilan birga, import qilinadigan MPM tizimlari to‘liq mahalliylashtiriladi. MPM tizimlarini sertifikatlash va standartlashtirish mahalliy mutaxassislar tomonidan amalga oshiriladi.

Reklama huquqi asosida.