«Ориент Group» таркибига кирувчи «Ориент Метал» темир йўл саноати учун комплекс ечимларни ишлаб чиқади.
Корхонада темир йўл ускуналари тизимлари учун замонавий микропроцессор қурилмалари ишлаб чиқариш, темир йўл транспортининг станция, ҳаракат ва диагностика тизимларини қуриш, улардан фойдаланиш ва уларга хизмат кўрсатиш бўйича хизматлар кўрсатиш режалаштирилган.
Энг йирик буюртмачилардан бири – «Ўзбекистон темир йўллари» АЖ учун «Ориент Метал» компанияси йўл участкалари ва бошқа ёрдамчи иншоотларнинг хавфсизлигига масъул станцияларда стрелка ва сигналларни микропроцессорли марказлаштиришнинг (МПМ) мураккаб тизимини жорий қилмоқда.
«Ориент Метал» компанияси раҳбари Дилшод Шукуров лойиҳа тўғрисида маълумот берди.
«Бу Ўзбекистонда биринчи бўлиб темир йўл ва метрополитен хавфсизлигини оширувчи лойиҳадир. Лойиҳа доирасида мавжуд поездлар ҳаракатини бошқариш тизимларини модернизация ва реконструкция қилиш, шунингдек, бюджет харажатларини 50 фоизгача камайтириш кўзда тутилган», – деди «Ориент Метал» раҳбари.
Бундан ташқари, компания темир йўл транспортида автоматлаштириш, телемеханика ва алоқа соҳасида консалтинг хизматларини таклиф этади. Шу билан бирга, импорт қилинадиган МПМ тизимлари тўлиқ маҳаллийлаштирилади. МПМ тизимларини сертификатлаш ва стандартлаштириш маҳаллий мутахассислар томонидан амалга оширилади.
Реклама ҳуқуқи асосида.
Изоҳ (0)