Машҳур турк актёр ва актрисалари — Жемре Байсал, Айтач Шашмаз, Асли Энвер, Ченгиз Жошкун, Ўзге Гурел, Серкан Чайўғлу мухлисларини қизиқтириши аниқ бўлган янгиликлар ҳақида маълумот берамиз.
Ўтган йилги «Омад учун ўйин»да бирга суратга тушгач, учрашишни бошлаган Жемре Байсел ва Айтач Шашмаз ўз мухлисларини янги суратлари билан тинмай хурсанд қилишмоқда.
Актёр севгига бўлган муносабати ҳақида шундай дейди: «Бир инсонни таниб, у билан вақт ўтказганинг сари у сен учун қадрли ёки қадрли эмаслигини тушунасан... Севги менга шундай туюлади — энергиялар тўқнашуви ва бирлашиш. Бу мутлақо қарама-қарши қутблар эмас, балки яратиш, бирлаштириш ва шундайлигича қабул қилиш каби нарсадир».
*********************************************************************************************
«Эшигимни қоқ» сериалида бирга суратга тушгандан сўнг учрашишни бошлаган Башак Гумулжинелиўғлу ва Чағри Житанак яқинда бир-бирлари билан ошиқ жуфтликни ўйнайдиган фильмда яна бирга пайдо бўлади. Фильм номи — «Имконсиз». Режиссёр — Баҳодир Чиракўғлу. Суратга олиш ишлари аллақачон бошланган.
*********************************************************************************************
Турк матбуоти Мерт Язижиўғлунинг севгилиси Афра Сарачўғли уни рашк қилмаслигини айтган сўнгги интервьюсини фаол муҳокама қилмоқда.
Уларнинг муносабатларида рашкка ўрин йўқ. Ёш бўлишига қарамай, актёрлар узоқ вақт бирга ишлаган (Афре 24 ёшда, Мерт 29 ёшда). Улар 2018 йилда битта лойиҳа — «Яхши ўйин» фильмида бирга рол ўйнаганларидан сўнг учраша бошладилар. Шундан бери уларнинг муносабатлари ривожланди. Улар қачон турмуш қуришади, деган саволга актёр ҳамма нарсанинг ўз вақти бор, деб жавоб берган.
*********************************************************************************************
Ўтган ҳафтада турк матбуоти Асли Энвер ва унинг севгилиси — тадбиркор Беркин Гўкбудак ўртасидаги янги муносабатларни, ҳозирда эса ҳайратланарли хабарни муҳокама қилмоқда.
Жуфтлик турмуш қуришга тайёрланмоқда. Тез орада улар бир-бирларини оилалари билан таништиришади. Воқеаларнинг бундай жадал ривожланиши атрофдагиларни ажаблантирмади, чунки Беркин биринчи кунларданоқ қарор қилган ва қисқа танишувдан сўнг никоҳ ҳақида гапирган. Асосийси, бу журналистларнинг навбатдаги шошқалоқ сенсацияси эмас.
*********************************************************************************************
Ўзге Гурел ва Серкан Чайўғли икки марта тўй қилишди.
Биринчи никоҳ маросими 14 июль куни Серканнинг ота-онаси истиқомат қиладиган Германияда бўлиб ўтди. Иккинчи тўй эса 13 август куни Веронадаги кичик қалъада бўлиб ўтди. Маросимда яқин дўстлар ва қариндошлар иштирок этишди.
*********************************************************************************************
«Тирилиш: Эртуғрул» сериали мухлисларига яхши таниш бўлган 40 ёшли Чингиз Жошкун ва унинг севгилиси Беатрис 13 август куни яқинлари ва дўстлари даврасида турмуш қуришди. Тўйда турк киносининг кўплаб юлдузлари, хусусан, «Тирилиш: Эртуғрул» сериалининг актёрлари иштирок этди.
Изоҳ (0)