Andijon viloyati IIB JQB Giyohvandlik vositalari bilan qonunga xilof ravishda muomala qilishga qarshi kurashish bo‘limi xodimlari boshqa huquqni muhofaza qiluvchi organlar bilan hamkorlikda Andijon shahrida tezkor tadbirlar o‘tkazilgan.
Natijada Andijon shahrida yashovchi erkak fuqaro X.S. o‘zida shubha uyg‘otgani sababli boshqaruvida bo‘lgan, qora rangli, Nexia-3 avtomashinasi Andijon shahri ko‘chalarining birida ko‘zdan kechirilganida avtomashinada jinoiy sheriklari, Andijon tumani fuqarosi Y.D. hamda Andijon shahar fuqarosi X.O. birga ekani, avtomashina old yo‘lovchi o‘rindig‘i ostida, qora rangli poliyetilen paketga o‘ralgan, 100 dona “Tropikamid” nomli va 16 dona konvalyutada jami 224 dona “Regapen” nomli dori vositalari borligi aniqlangan.
Bundan tashqari avtomashina orqa o‘rindig‘ida ayol fuqaro Y.D.ga tegishli bo‘lgan ayollar sumkachasi ichida 3100 AQSH dollari va 4 750 000 so‘m miqdoridagi pullar borligi aniqlangan.
Hozirda ushbu holat yuzasidan Andijon shahar IIO FMB tomonidan dastlabki surishtiruv ishlari olib borilmoqda.
Izoh (0)