Namanganda er-xotin tarvuzdan zaharlanib vafot etgani haqida xabar berilgan edi. EastFruit ekspertlari bunday voqealar oqibatida tarvuz iste’moli keskin kamayib ketishi mumkinligini ma’lum qildi.
Namangan viloyati Norin tumanida bir oila tarvuzdan zaharlandi, ularning ikki nafari vafot etdi.
Er-xotinning o‘limga olib kelgan tarvuz iste’molidan zaxarlanish holatlari O‘zbekistonda ayni paytda eng ko‘p muhokama qilinayotgan mavzulardan biri hisoblanadi.
Bunday muhokamlar sud-tibbiy ekspertizasining yakuniy xulosasi va tergov organlarining tekshirish natijalarini kutmasdan amalga oshirilmoqda.
Aholining fikriga ko‘ra haddan tashqari kimyoviy moddalar tarvuz tarkibida nitratning ko‘payishiga olib keladi.
Biroq ismaloq, rukkola, petrushka va bargli sabzovat kabi eng foydali sabzavotlarda ham nitratlar miqdori tarvuzga qaraganda bir necha baravar yuqoridir. Meva va rezavorlarda odatda sabzovatlarga qaraganda ancha kam nitrat mavjud bo‘ladi.
Begunoh tarvuzni qotillikda ayblashdan oldin, tarvuzlarda, shuningdek, boshqa mevalarda nitratlar miqdori faqat sobiq SSSR tarkibiga kirgan mamlakatlarda cheklanganligini ta’kidlamoqchimiz. Dunyoning boshqa mamlakatlarida mevalarda nitrat bilan zaharlanish qayd etilmaydi, — deydi EastFruit.
Bularning barchasi yaqin kelajakda nafaqat tarvuz, balki qovunlarni sotish hajmiga jiddiy ta’sir qilishi mumkin.
Yuqori ehtimollik bilan biz yaqin kelajakda tarvuz va ehtimol qovunning ichki sotilishining pasayishini va natijada ular uchun narxlarning sezilarli darajada tushib ketishini taxmin qilish mumkin, — deydi ekspertlar.
Buning ortida ko‘proq mahsulotlarni eskport qilish imkoni paydo bo‘ladi. Amma qovunlar hozirda eng yaxshi holatda emas. Avvalroq O‘zbekistondan Rossiyaga yuborilgan qovunlarda qovun pashshasi aniqlangan edi.
Bu kabi muhim va foydali oziq-ovqat mahsulotini, ayniqsa, yozda tarvuz kabi obro‘sizlantirish iste’molchilarga ham, ishlab chiqaruvchilarga ham foyda keltirmaydi.
Ishlab chiqaruvchilar hatto katta yo‘qotishlarga duch kelishlari mumkin. Asossiz mish-mishlar foydali mahsulotlarni obro‘sizlantirishga olib kelgan ko‘plab misollar mavjud.
Masalan, O‘zbekistonda koronavirus tarqalishida ayblangan bananni olaylik. 2020-yilning yanvar oyida ijtimoiy tarmoqlarda bananning O‘zbekistonga Xitoydan olib kirilishi va ularda koronavirus infeksiyasi borligi haqida mish-mishlar tarqalgandi.
Iste’molchilar har qanday oziq-ovqat iste’mol qilishdan oldin qo'llarini sovun bilan yaxshilab yuvishni o‘rganishlari kerak, — deydi EastFruit.
Nashr eskpertlarining aytishicha, yoz oylarida tarvuzni iste’mol qilish va kesishdan oldin yaxshilab yuvishni unutmaslik juda muhimdir.
Izoh (0)