Наманганда эр-хотин тарвуздан заҳарланиб вафот этгани ҳақида хабар берилган эди. EastFruit экспертлари бундай воқеалар оқибатида тарвуз истеъмоли кескин камайиб кетиши мумкинлигини маълум қилди.
Наманган вилояти Норин туманида бир оила тарвуздан заҳарланди, уларнинг икки нафари вафот этди.
Эр-хотиннинг ўлимга олиб келган тарвуз истеъмолидан захарланиш ҳолатлари Ўзбекистонда айни пайтда энг кўп муҳокама қилинаётган мавзулардан бири ҳисобланади.
Бундай муҳокамлар суд-тиббий экспертизасининг якуний хулосаси ва тергов органларининг текшириш натижаларини кутмасдан амалга оширилмоқда.
Аҳолининг фикрига кўра ҳаддан ташқари кимёвий моддалар тарвуз таркибида нитратнинг кўпайишига олиб келади.
Бироқ исмалоқ, руккола, петрушка ва баргли сабзоват каби энг фойдали сабзавотларда ҳам нитратлар миқдори тарвузга қараганда бир неча баравар юқоридир. Мева ва резаворларда одатда сабзоватларга қараганда анча кам нитрат мавжуд бўлади.
Бегуноҳ тарвузни қотилликда айблашдан олдин, тарвузларда, шунингдек, бошқа меваларда нитратлар миқдори фақат собиқ СССР таркибига кирган мамлакатларда чекланганлигини таъкидламоқчимиз. Дунёнинг бошқа мамлакатларида меваларда нитрат билан заҳарланиш қайд этилмайди, — дейди EastFruit.
Буларнинг барчаси яқин келажакда нафақат тарвуз, балки қовунларни сотиш ҳажмига жиддий таъсир қилиши мумкин.
Юқори эҳтимоллик билан биз яқин келажакда тарвуз ва эҳтимол қовуннинг ички сотилишининг пасайишини ва натижада улар учун нархларнинг сезиларли даражада тушиб кетишини тахмин қилиш мумкин, — дейди экспертлар.
Бунинг ортида кўпроқ маҳсулотларни эскпорт қилиш имкони пайдо бўлади. Амма қовунлар ҳозирда энг яхши ҳолатда эмас. Аввалроқ Ўзбекистондан Россияга юборилган қовунларда қовун пашшаси аниқланган эди.
Бу каби муҳим ва фойдали озиқ-овқат маҳсулотини, айниқса, ёзда тарвуз каби обрўсизлантириш истеъмолчиларга ҳам, ишлаб чиқарувчиларга ҳам фойда келтирмайди.
Ишлаб чиқарувчилар ҳатто катта йўқотишларга дуч келишлари мумкин. Асоссиз миш-мишлар фойдали маҳсулотларни обрўсизлантиришга олиб келган кўплаб мисоллар мавжуд.
Масалан, Ўзбекистонда коронавирус тарқалишида айбланган бананни олайлик. 2020 йилнинг январь ойида ижтимоий тармоқларда бананнинг Ўзбекистонга Хитойдан олиб кирилиши ва уларда коронавирус инфекцияси борлиги ҳақида миш-мишлар тарқалганди.
Истеъмолчилар ҳар қандай озиқ-овқат истеъмол қилишдан олдин қўлларини совун билан яхшилаб ювишни ўрганишлари керак, — дейди EastFruit.
Нашр эскпертларининг айтишича, ёз ойларида тарвузни истеъмол қилиш ва кесишдан олдин яхшилаб ювишни унутмаслик жуда муҳимдир.
Изоҳ (0)