Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqda 11-avgust tunda Jizzax shahrining “Hamzaobod” mahallasidagi avtobekatda 20 dan oshiq bezori 4 nafar shaxsga tan jarohati yetkazgani haqida xabar tarqaldi. Jizzax viloyati Ichki ishlar boshqarmasi holatga munosabat bildirdi.

Tarmoqda tarqalgan xabarda tan jarohati olgan shaxslar ichki ishlar organlariga murojaat qilganlarida ularning arizalari qabul qilinmagani, shaharda bezorilar guruhi paydo bo‘lgani bildirilgan.

IIBning qayd etilishicha, janjal rostdan ham sodir bo‘lgan va buning oqibatida bir nafar fuqaro shifoxonada tibbiy yordam olgan.

“Ammo ichki ishlar organlari xodimlari tomonidan jabrlanuvchining arizasi qabul qilinmaganiga oid iddaolar yolg‘on”, — deyiladi xabarda.

Jizzax shahrining “Zargarlik” mahallasida to‘y payti kuyovning qarindoshlari va do‘stlari o‘rtasida dahanaki tortishuv ro‘y bergan. To‘ydan so‘ng kuyovning bir necha tanishlari “Uchariq” mahallasi hududida sal ilgari ular bilan gap talashgan kuyovning qarindoshi S.K.ga tan jarohati yetkazgan.

Oqibatda jabrlanuvchi kasalxonada birinchi tibbiy yordam olgan. Shifokorlar belgilangan tartib asosida holatni ro‘yxatga kiritib, voqea haqida ichki ishlar organlariga xabar bergan. O‘sha zahotiyoq ichki ishlar organlari tergov tezkor guruhi shifoxonaga yetib borib, jabrlanuvchi bilan muloqot o‘tkazgan va gumonlanuvchilarni ichki ishlar bo‘limiga keltirish choralari ko‘rilgan.

Ayni vaqtda holat yuzasidan Jizzax shahri “Ravalliq” mahallasida yashovchi S.U., “Oqqo‘rg‘onlik” mahallasida yashovchi J.M., “Uchariq” mahallasida yashovchi B.M., F.E., U.K., T.O hamda muqaddam sudlangan T.K., Jizzax shahrining “Madaniyat” mahallasida yashovchi A.S.ga nisbatan Jinoyat kodeksining 277-moddasi (bezorilik) 2- qismi “b” bandi bilan jinoyat ishi qo‘zg‘atilgan.

Izoh
Asosiy yangiliklar
Dunyo
AQSH osmonida razvedkachi havo shari aniqlandi. Pentagon sharni Xitoyga tegishli deb hisoblamoqda (video)
Mahalliy
O‘zbekistonning qator hududlarida 4-fevral kuni ham yomg‘ir yog‘adi
Kino
Kino ijodkorlar tomonidan ishora qilingan, ammo ko‘pchilik payqamagan mashhur filmlardagi detallar (foto)