Farg‘onadan Samarqandga Tojikiston orqali avtobus qatnovini yo‘lga qo‘yish imkoniyatlari o‘rganilmoqda. Bu haqda Transport vazirligi xabar qildi.
Qayd etilishicha, 12-avgust kuni erta tongda Farg‘ona avtoshoh bekatidan Uzautotrans service korxonasiga tegishli Yutong avtobusi Farg‘ona–Samarqand yo‘nalishida ilk texnik qatnovni amalga oshirish uchun yo‘lga chiqqan.
Transport vazirligi Farg‘ona viloyati transport boshqarmasi mutasaddilari hamda bir guruh viloyat faollari va nuroniylar ushbu qatnovning ilk yo‘lovchilari sifatida manzilga yetkaziladi.
Farg‘ona–Samarqand yo‘nalishida ilk texnik qatnov Tojikiston Respublikasining So‘g‘d viloyati Xo‘jand shahri orqali tranzit amalga oshirilmoqda. Avtobus yo‘nalishi masofasi 618 kilometr bo‘lib, mazkur masofani bosib o‘tish uchun 12 soat 50 daqiqa sarflanadi.
Izoh (0)