Ijtimoiy tarmoqlarda Xorazm viloyati Gurlan tumanida ichki ishlar xodimlari fuqaroga kuch ishlatgani haqida xabar tarqaldi. Viloyat prokuraturasi holatga munosabat bildirdi.
Aniqlanishicha, fuqaro E.R. va Sh.Y. Gurlan tuman prokuraturasiga murojaat qilib, unda tuman IIB xodimlari kuch ishlatib, tan jarohati yetkazishganini va Sh.Y, tuman tibbiyot birlashmasiga yotqizilganini ko‘rsatib, ularga nisbatan qonuniy chora ko‘rishni so‘ragan.
Murojaatda ko‘rsatilgan holatlar yuzasidan hodisa joyi ko‘zdan kechirilib fuqaro Sh.Y.da tan jarohati bor yoki yo‘qligini aniqlash yuzasidan sud-tibbiy ekspertizasi tayinlangan. IIB xodimlari harakatlariga nisbatan xizmat tekshiruvi bo‘lib o‘tishi belgilangan.
Hozirda murojaatdagi holatlar yuzasidan Gurlan tuman prokuraturasi tomonidan tergovga qadar tekshiruv harakatlari davom etmoqda. Tekshiruv viloyat prokuraturasi tomonidan nazoratga olingan.
Mavzuga doir:
- Farg‘onada IIO xodimlari do‘konlardagi pichoq va qaychilarni olib qo‘yayotgani xabar qilindi
- Namanganda YPX xodimlari mast haydovchining ustidan kulgani yuzasidan xizmat tekshiruvi tayinlandi (video)
- IIBB Toshkentda “uchastkovoy” qashqadaryolik qizning nomusiga tegganini rad etdi. Xodimning o‘zi esa yaqinlik bo‘lganini tasdiqlagan
Izoh (0)