Farg‘onada fuqaro Sh.S. tanishi A.D. ismli ayolning farzandli bo‘lmayotganini bilib, unga Rossiyaga borib davolansa, farzand ko‘rishi mumkinligini aytgani va tilla taqinchoqlarini aldov yo‘li bilan olgani aniqlandi.
Ma’lum bo‘lishicha, fuqaro buning uchun ayolning mablag‘i yo‘qligini bilgach, tilla taqinchoqlar evaziga ham ko‘maklashishiga ishontirgan. Shu tariqa ayolning 2000 dollarga teng tilla taqinchoqlarini qo‘lga kiritib, sotib yuborgan va pulni o‘z ehtiyojlariga sarflagan.
Aldanganini bilgan ayol ichki ishlar organiga holat yuzasidan murojaat qilgan. Farg‘ona shahri ichki ishlar organi faoliyatni muvofiqlashtirish bo‘limi huzuridagi tergov bo‘limi tomonidan Jinoyat kodeksining 168-moddasi 1-qismi (firibgarlik) bilan jinoyat ishi qo‘zg‘atilgan.
Izoh (0)