Раҳим Стерлинг нима сабабдан «Манчестер Сити»ни тарк этганини маълум қилди

«Челси» ҳужумкор ярим ҳимоячиси Раҳим Стерлинг «Манчестер Сити»дан кетиши сабаблари ва янги жамоасидаги мақсадлари ҳақида гапирди.

Вақтни кетказа олмасдим. Ўз даражамни сақлаб қолишим ва янги чорловни қабул қилишим керак эди. 17 ёшимдан бери бошланғич таркибда ўйнаб келаман. Мунтазам ўйнамасдан фаолиятимнинг энг юқори даражасига чиқа олмасдим. Бунга йўл қўёлмасдим.

Характерим шунақа, вазиятни ўзгартириш учун курашдим, аммо ўхшамади. Бори шу. «Челси»га йўл олиш шахсий мақсадларим ва оиламнинг хоҳишига мос тушди. Клуб кетаётган йўналиш менга ёқяпти.

«Челси» совринлар учун курашади, бу жамоа фақат яхши томонга ўзгаряпти. Албатта, «Манчестер Сити»да шунча йилни ўтказганимдан кейин кетиш оғир бўлди. Бу клуб билан кўп хотиралар қолди, у ерда анча ёқимли дамларни ўтказганман.

Бир йилдан ортиқ майдонга мунтазам тушолмадим. Бу вақт ичида ўзим ҳақимда кўп нарсаларни билиб олдим. Ҳаракатларимни баҳоладим ва вазиятни ўнглашга ҳаракат қилдим. Бу жуда қийин қарор бўлди, бироқ менинг фойдамга ишлайдиган қадам жуда зарур эди.

Ўзимни худди уйга қайтгандек ҳис қиляпман. Лондондан кетганимга анча бўлганди, ўшанда 14 ёки 15 ёшда эдим.

Раҳим Стерлинг, «Челси» футболчиси