Sevimli aktyorlarimiz bitta sahnada o‘ynamaslik uchun hamma narsaga tayyor bo‘lgan eng mashhur holatlar haqida ma’lumot beramiz.
Jim Kerri va Tommi Li Jons
Kerri “Abadiy Betmen” filmida rol o‘ynashga taklif qilinganida karyerasining eng yuqori cho‘qqisida edi. Uning hamkasbi Tommi Li Jons mashhur komediyachining roliga e’tibor ham bermaydi. Rejissor Joel Shumaxerning aytishicha, ularnining o‘rtasiga tushishdan juda charchagan.
Birgalikdagi sahnani suratga olishdan oldin Kerri va Jons restoranda janjallashib qolishgan. Jim salomlashish uchun uning yoniga kelganida: “U o‘rnidan turdi, gandiraklab, meni quchoqladi va shunday dedi: “Men seni yomon ko‘raman. Senga chindan ham chiday olmayman”. Tabiiyki, Kerri bunday munosabatni kutmagan edi.
Julia Roberts va Nik Nolt
1994-yilda aktyorlar “Men ko‘ngilsizliklarni yaxshi ko‘raman” romantik komediyasida birga rol o‘ynashadi. Ular bir-biri til topisholmagani ekranda ham sezilgan. Aytishlaricha, voqealar shu darajaga yetganki, rejissor Charlz Shyer ularni bir-biridan ajratib turish uchun har bir sahnani alohida suratga olgan.
Robertsning aytishicha, Nolt “jirkanch” va “odamlarni ataylab g‘azablantiradi”. Nik ham xuddi shunday javob bergan: “Uning o‘zi ham yaxshi emas. Buni hamma biladi”.
Va nihoyat 2009-yilda aktyorlar birgalikda tok-shouda qatnashib, Juliya Nikni maftun etganida janjal unutilgan.
Uill Smit va Janet Xyubert
“Beverli-hillslik shahzoda” filmi muxlislari bilishadiki, Vivian xola rolini ijro etgan aktrisa suratga olish jarayonida almashtirilgan. Lekin nima uchun?
Janet Xubert mazkur rolni 1993-yilgacha o‘ynaydi, keyin Dafni Ridga topshiradi.
Ma’lum bo‘lishicha, Smit va uning suratga olish maydonchasidagi hamkasblari aktrisani doimo xafa qilishgan: “Ular dahshatli ishlarni qilishardi. Uill va Alfonso Ribeyro esa o‘zlarini yomon bolalar kabi tutishgan”, — deb shikoyat qiladi aktrisa.
Uill Smit Atlanta radiostansiyasiga bergan intervyusida uning so‘zlariga javob berib, Janet doim unga yomon munosabatda bo‘lganini aytadi: “Men nima qilsam ham uning uchun doim Dajjol edim”.
Bir necha yil o‘tgach, Janet bu voqealarga qaytib, shunday degan: “Biz hech qachon yarashmaymiz va men hech qachon Uill Smit kabi yomon odam bilan ishlamayman. U faqat o‘zini o‘ylaydi va hech qachon o‘smaydi”.
Shennon Doerti... va hamma
“Beverli-Xillz 90210” teleserialida Brenda Uolsh rolini ijro etgan aktrisa barcha hamkasblari bilan janjallashib chiqqan. U hatto Jenni Gart bilan mushtlashishiga sal qolgan. Tori Spelling 2015-yilda shou prodyuseri bo‘lgan otasi Aarondan Doertini suratga olish maydonchasidan haydab yuborishini so‘ragan.
To‘rt yil o‘tgach, Shennon va Alissa Milano Spellingning boshqa bir seriali —"Maftunkor"da janjallashishdi. Alissa bu haqda shunday deydi: "Bu og‘ir kunlar edi ... Xuddi maktabdagi kabi."
Tez orada ulardan biri ketishi kerakligi ma’lum bo‘ldi va bu yana Doerti edi. Ular faqat 2016 yilda Shennonga ko‘krak bezi saratoni tashxisi qo‘yilganidagina yarashgan.
Richard Gir va Silvestr Stallone
Ikki kelishgan erkak ko‘p yillar davomida raqobatlashgan. Hammasi “Fletbush lordlari” (1974) filmidagi rol tufayli. Bosh qahramon Chiko roliga avvaliga Richard Gir tanlangan. Stallone bu qarorga rozi bo‘lmaydi va keyin rol Perri Kingga o‘tadi.
Silvestr Girning suratga olish maydonchasida o‘zini yomon tutganini shunday esladi: “Bir kuni birga tushlikka chiqdik va buterbrod oldik. Keyin mening mashinamga o‘tirdik. Men Girning qo‘lidagi folgadan xantalli tovuq bo‘laklari tushib ketmoqchi bo‘lganini payqadim va unga ehtiyot bo‘lishni aytdim – kir kiyimga toqat qilolmayman. U bir bo‘lak tovuq go‘shtini olib, shimimga qo‘ydi, bunga javoban uni mashinadan haydab soldim. Rejissor ikkimizdan birimizni tanlashi kerak edi. Richard ketdi va hali ham meni yoqtirmaydi”.
Izoh (0)