Saudiyalik taniqli diplomat va biznesmen Muhammad al-Qahtaniy Misrdagi chiqishi chog‘ida vafot etdi, deb xabar bermoqda Pledge Times nashri.
Hodisa diplomat Qohirada xalqaro, mintaqaviy hamda arab idoralari va tashkilotlari vakillari, shuningdek, qator elchilar va arab arboblari ishtirokida bo‘lib o‘tgan arab-afrika konferensiyasida nutq so‘zlayotgan chog‘ida yuz bergan.
“Al-Salam” xolding kompaniyasi direktorlar kengashi raisi Muhammad al-Qahtani nutqi chog‘ida hushini yo‘qotib, yerga yiqildi. Xabar qilinishicha, u kasalxonaga yotqizilgan, biroq uni qutqarishga urinishlar muvaffaqiyatsizlikka uchragan. Uning yonida turmish o‘rtog‘i ham bo‘lgan.
O‘lim sababi esa hozircha noma’lum.
Konferensiya hujjatlarni qalbakilashtirish va unga qarshi kurash tashkiloti tomonidan o‘tkazilgan. Biroq diplomat vafoti munosabati bilan tadbir bekor qilindi.
Izoh (0)