Россияликлар Ўзбекистонда янги компаниялар сони бўйича рекорд ўрнатди

Ўзбекистонда 2022 йилнинг январь—июль ойларида Россия капитали иштирокидаги 465 та компания ташкил қилинди. Бу ҳақда Давлат статистика қўмитаси хабар бермоқда.

Таққослаш учун, 2021 йилнинг 12 ойида 356 та, 2020 йилда эса 265 та шундай корхона очилган эди. Ундан аввалги йилларда ҳам бундай юқори кўрсаткич кузатилмаган.

Биргина июль ойининг ўзида 66 та янги Россия капитали иштирокидаги компаниялар ташкил қилинди. 

Давлатлар кесимида Россия катта фарқ билан биринчи ўринда бормоқда. Бу борада иккинчи ўринни Туркия эгаллаган — 203 та.

Учинчи ўринни 149 та компания билан хитой эгаллади. 

Россия иштирокидаги янги компаниялар сони февралдан кейин кескин ошди: 

• январда — 23 та; 
• февралда — 28 та; 
• мартда — 56 та; 
• апрелда — 103 та; 
• майда — 92 та; 
• июнда — 89 та; 
• июлда — 66 та компания ташкил этилди. 

Апрелдан бери кетма-кет тўртинчи ой Россия иштирокида янги компаниялар ташкил этилиши камайиб бормоқда.