9 август куни Ўзбекистонда хорижий криптобиржалар блоклангани ҳақида хабар берилганди. Истиқболли лойиҳалар миллий агентлиги хабарига кўра, бир нечта лицензияси бўлмаган криптобиржаларга чеклов ўрнатилган.
Мазкур платформалар крипто-активлар билан боғлиқ хизматларини таклиф этиб, қонун ҳужжатларида белгиланган тартибда серверларини мамлакатда ўрнатмасдан одамларнинг шахсий маълумотларини сўраб олмоқда, — дейилади агентлик хабарида.
Бундай криптобиржалар операцияларни амалга ошириш учун ҳеч қандай юридик жавобгарликни ўз зиммасига олмайди, транзакцияларнинг қонунийлигини, шунингдек, шахсий маълумотларни тўғри сақланиши ва махфийлигини кафолатлай олмайди.
Шуни инобатга олган ҳолда, лицензияга эга бўлмаган биржалар блокланди.
Ўзбекистонда 2020 йилдан бери маҳаллий криптобиржалар фаолият олиб бормоқда.
1 январдан эса ўзбекистонликларга крипто-активларни сотиб олиш, сотиш ва айирбошлаш бўйича операцияларни фақат миллий провайдерлар орқали амалга ошириш ҳуқуқи берилади.
Изоҳ (0)