Xorazm va Toshkent viloyatlarida o‘qishga kiritish hamda o‘qishni ko‘chirib berish bilan bog‘liq firibgarlik holatlari fosh etildi. Bu haqda Bosh prokuratura huzuridagi departament xabar berdi.
Departamentning Xorazm viloyat boshqarmasi tomonidan IIB xodimlari bilan hamkorlikda o‘tkazilgan tezkor tadbirda, fuqaro R.B. boshqa bir fuqaro S.ni yuqori lavozimda ishlovchi tanishlari orqali Urganch davlat universitetiga o‘qishga kiritib qo‘yish evaziga 2 000 dollarni olgan vaqtida ashyoviy dalillar ushlangan.
Shu kabi, Bog‘ot tuman bo‘limi va viloyat DXX xodimlari tomonidan o‘tkazilgan tezkor tadbirda, fuqaro X.M. fuqaro I.ning Qirg‘izistondagi o‘qishini Toshkent tibbiyot akademiyasining Urganch filialiga ko‘chirib berish evaziga 3 000 dollarni olgan olgan vaqtida ashyoviy dalillar ushlangan.
Departament hamda DXXning Bekobod shahar bo‘limlari tomonidan o‘tkazilgan tezkor tadbirda esa, fuqaro O.I. fuqaro S.ning Tojikiston oliygohidagi o‘qishini Turin politexnika universitetiga ko‘chirib berish evaziga 2 000 dollarni olgan vaqtda ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir:
- Buxoroda o‘qishga kiritib qo‘yishni va’da qilib, fuqarodan 200 dollar talab qilgan shaxs ushlandi
- O‘zbekiston davlat san’at va madaniyat instituti katta o‘qituvchisi 6 ming dollar pora bilan ushlandi
- Toshkent va Sirdaryoda o‘qishga kiritib qo‘yish va o‘qishni ko‘chirib berish bilan bog‘liq holatlar aniqlandi
Izoh (0)