Buxoro viloyati G‘ijduvon tumani Ichki ishlar boshqarmasi tomonidan 2022-yilning 22-iyul kuni taxminan soat 09:20 larda G‘ijduvon tumani “Ko‘lijabbor” mahallasi Ko‘hna Nayman qishlog‘ida joylashgan “Shukur To‘xta” fermer xo‘jaligi dala shiyponida shaxsi noma’lum yoshi taxminan 8–11 oylik chaqaloqning tashlab ketilgani to‘g‘risida xabar berilgan edi.
Buxoro viloyati IIB, hududiy ichki ishlar organlari va boshqa huquqni muhofaza qiluvchi idoralar hamda keng jamoatchilik bilan hamkorlikda olib borilgan tezkor qidiruv va tergov harakatlari davomida chaqaloqning 2022-yil yanvar oyida tug‘ilgan N.M. ekani va onasining shaxsi aniqlanib, tergov organiga topshirildi.
Hozirgi kunda G‘ijduvon tumani IIB Tergov bo‘limi tomonidan holat yuzasidan Jinoyat kodeksining 25/117-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
“Daryo”ga viloyat IIB matbuot xizmati rahbari Shuhrat Jalolovning ma’lum qilishicha, bolaning onasini topish uchun olti oydan bir yilgacha bo‘lgan muddat davomida farzandli bo‘lgan ayollarning qon tahlili olingan.
Izoh (0)