“Toshkent shahar suv ta’minoti” Sergeli va Yangihayot tumanlari ayrim hududlarida ichimlik suvi vaqtinchalik to‘xtatilishi va suv bosimi pasayishini ma’lum qildi.
Qayd etilishicha, Sergeli tumani Qipchoq (Xonobod) ko‘chasi bo‘ylab TXAY dan Fayzli ko‘chasigacha bo‘lgan hududda yerusti metrosi qurilish jarayonida D-1000 mm tarmoqlarni ko‘chirish uchun 10-avgust kuni soat 10:00 dan 11-avgust kuni soat 22:00 gacha suvni o‘chirish jarayonida quyidagi hududlarda ichimlik suvi vaqtinchalik to‘xtatiladi va suv bosimi pasayadi:
Sergeli tumani “Ziyokor”, “Nomdanak”, “Qorasuv”, “Taraqqiyot”, “Xonobod”, “Qushbegi”, “Xonobodtepa”, “Quruvchilar”, “Daryo bo‘yi”, “Fayzli”, “Jaloir” va “Qipchoq”, “Toshkent” mahallalari va shu yerda joylashgan masjid, poliklinika, maktab, bog‘cha va har xil turdagi ishlab chiqaruvchi korxonalarda ichimlik suvi to‘liq to‘xtatiladi.
“Sug‘diyona”, “Sofdil” mahallalarida ichimlik suv bosimi pasayadi.
Yangihayot tumanida “Qipchoq”, “Yo‘ldosh”, “Al-Farg‘oniy”, “Viqor”, “Olchazor”, “Do‘stlik”, “Charag‘on” va “Chortoq”, mahallalari va u yerda joylashgan maktab va bog‘chalar, hokimlik, tug‘ruqxona, 37-sonli poliklinika, KVD, o‘likxona, Yangihayot, “Doka xleb”, Metall zavodi, 12-avtopark, KNS hududida ichimlik suvi bosimi pasayadi.
Ichimlik suvi to‘xtatilgan hududlarga maxsus texnikada ichimlik suvi yetkazib beriladi.
Izoh (0)