Vadim Abramov “Dinamo” bosh murabbiyi etib tayinlandi. Bu haqida samarqandliklar matbuot xizmati ma’lum qildi.
Superligadagi qoniqarsiz natijalari sabab Andrey Shipilov o‘z arizasiga binoan iste’foga chiqarildi. Uning o‘rnini O‘zbekiston terma jamoasi sobiq bosh murabbiyi Vadim Abramov egalladi.
Ma’lumot uchun, 59 yoshli mutaxassis hozirga qadar “Traktor”, “Lokomotiv”, “Neftchi”, “Bunyodkor” klublari, O‘zbekiston olimpiya va milliy terma jamoalarida faoliyat olib borgan. 2010—2012 va 2019—2021-yillarda O‘zbekiston milliy terma jamoasi bosh murabbiyi sifatida ishlagan. Uning qo‘l ostidagi O‘zbekiston terma jamoasi 2022-yilgi Jahon Chempionati saralashining 2-bosqichida omadsiz natija qayd etib, o‘z tarixida ilk bor 3-bosqichga yo‘l ololmadi. Shundan so‘ng Abramov terma jamoadagi faoliyatini yakunlagan.
Izoh (0)