“Barselona” transfer oynasi yopilgunga qadar kamida bir hujumchisi bilan xayrlashmoqchi.
Yozgi transferlar oynasida Memfis Depay yoki Pyer-Emerik Obameyang klubni tark etadi, deya xabar qilmoqda Fabrisio Romano.
Depay erkin agent maqomini olish uchun “ko‘k-anorranglilar” bilan muzokara olib bormoqda. Niderlandiya terma jamoasi futbolchisi top-klublardan biriga o‘tmoqchi, hozirda Turinning “Yuventus” jamoasi hujumchiga qiziqish bildirmoqda.
Memfis 2021-yilning yozida, Obameyang esa qishki transfer oynasida “Barselona” safiga o‘tgan edi.
Avvalroq katalonlar Martin Breytueyt bilan xayrlashish istagida ekani, biroq futbolchi ketishni istamayotgani xabar qilingandi.
Eslatib o‘tamiz, “Barselona” yozda “Bavariya” forvardi Robert Levandovskini 50 million yevro evaziga sotib oldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)