O‘zbekistonda 2022-yilning o‘tgan davrida 2 milliondan ortiq iste’molchining huquq va manfaati buzilib, yetkazilgan zarar miqdori 40 milliard so‘mni tashkil etdi. Bu haqda AOKAda o‘tkazilgan brifingda Iste’molchilar huquqlarini himoya qilish agentligi axborot xizmati rahbari Mohruxsor Tog‘ayeva ma’lum qildi.
Iste’molchilar huquqlarini himoya qilish agentligiga shu vaqtga qadar iste’molchilardan 12 mingga yaqin murojaat kelib tushgan. Ularning 40 foizi uy-joy kommunal, qurilish va transport xizmatlariga to‘g‘ri kelsa, 38 foizi savdo va umumiy ovqatlanish xizmatlari, 16 foizi aloqa, moliya va ijtimoiy xizmatlar hamda 6 foizi reklama munosabatlari va boshqa masalalarga to‘g‘ri keladi.
Hozirga qadar iste’molchilar foydasiga 24,5 milliarddan ortiq mablag‘ qayta hisob-kitob qilib berilgan. Qolgan mablag‘larni iste’molchilarga qayta hisob-kitob qilish choralari ko‘rilmoqda.
Izoh (0)