Президентнинг «Ўзбекистон Республикаси Президентининг 2018 йил 27 июлдаги «Тадбиркорлик субъектларининг ҳуқуқлари ва қонуний манфаатларини ҳимоя қилиш тизимини янада такомиллаштириш чора-тадбирлари тўғрисида»ги фармонига қўшимча киритиш тўғрисида»ги фармони қабул қилинди. Бу ҳақда «Норма» хабар берди.
Қайд этилишича, ҳужжат «Кўп квартирали уйларни бошқариш тўғрисида»ги қонун ижросини таъминлашга қаратилган. Текширувларни электрон рўйхатга олиш ягона тизимида уларни рўйхатга олиш йўли билан ваколатли органни хабардор қилиш тартибида ўтказиладиган текширувлар рўйхатига яна биттаси қўшилди:
- асосли маълумотлар бўлганда кўп квартирали уйлардаги жойларнинг ўзбошимчалик билан қайта қурилиши ва (ёки) қайта режалаштирилиши ҳолатларини текшириш ҳамда бошқариш органлари томонидан кўп квартирали уйларда юзага келган авария вазиятларини бартараф этиш бўйича чоралар кўрилгани устидан назорат қилиш.
Ҳужжат қонун ҳужжатлари маълумотлари миллий базасида эълон қилинган ва 4 августдан кучга кирди.
Аввалроқ Ўзбекистонда кўп квартирали уйларга туташ ерларда ўзбошимчалик билан иншоотлар қурганлик учун жавобгарлик кучайтирилгани маълум қилинганди.
Изоҳ (0)