Apple kompaniyasining sof foydasi so‘nggi chorakda o‘tgan yilning shu davriga nisbatan 2,3 mrd dollarga kamaydi. Bu haqda kompaniyaning moliyaviy hisobotidan ma’lum bo‘ldi.
2022-yilning ikkinchi choragida kompaniyaning sof daromadi 19,4 mlrd dollarni tashkil etgan bo‘lsa, 2021-yilning shu davrida bu ko‘rsatkich 21,7 mlrd dollar darajasida edi.
Aprel oyidan iyun oyigacha Apple’ning qurilmalardan tushgan daromadi ham 500 mln dollarga kamayib, 63,3 mlrd dollarni tashkil etdi. Kompaniyaning xizmatlar ko‘rsatishdan tushgan daromadi 2 mlrd dollarga oshib, 19,6 mlrd dollarni tashkil etdi.
iPhone smartfonlari sotuvning an’anaviy flagmani bo‘lib qoldi — uch oy ichida dunyo bo‘ylab 40 665 ta shunday qurilma sotilgan. Bu o‘tgan yilga nisbatan 2,7 foizga yoki 1 095 taga ko‘pdir.
Mac noutbuklari va iPad planshetlari sotuvi mos ravishda 10,3 foiz va 1,9 foizga kamaydi.
Avvalroq Apple elektromobil ishlab chiqarish uchun Lamborghini dizaynerini yollagani haqida xabar berilgandi.
Izoh (0)