Apple компаниясининг соф фойдаси сўнгги чоракда ўтган йилнинг шу даврига нисбатан 2,3 мрд долларга камайди. Бу ҳақда компаниянинг молиявий ҳисоботидан маълум бўлди.
2022 йилнинг иккинчи чорагида компаниянинг соф даромади 19,4 млрд долларни ташкил этган бўлса, 2021 йилнинг шу даврида бу кўрсаткич 21,7 млрд доллар даражасида эди.
Апрель ойидан июнь ойигача Apple’нинг қурилмалардан тушган даромади ҳам 500 млн долларга камайиб, 63,3 млрд долларни ташкил этди. Компаниянинг хизматлар кўрсатишдан тушган даромади 2 млрд долларга ошиб, 19,6 млрд долларни ташкил этди.
iPhone смартфонлари сотувнинг анъанавий флагмани бўлиб қолди — уч ой ичида дунё бўйлаб 40 665 та шундай қурилма сотилган. Бу ўтган йилга нисбатан 2,7 фоизга ёки 1 095 тага кўпдир.
Mac ноутбуклари ва iPad планшетлари сотуви мос равишда 10,3 фоиз ва 1,9 фоизга камайди.
Аввалроқ Apple электромобиль ишлаб чиқариш учун Lamborghini дизайнерини ёллагани ҳақида хабар берилганди.
Изоҳ (0)