Andijon viloyati Bo‘ston tumanida MCHJ rahbari dala maydonidagi daraxtga arqon bilan o‘zini osib, vafot etdi. Holat yuzasidan viloyat prokuraturasi munosabat bildirdi.
Unga ko‘ra, 23-iyun kuni “Bo‘z Iqbol chorvasi” MCHJ rahbari N.S. Bo‘ston tumanidagi “Buyuk turon chorvasi” fermer xo‘jaligi dala maydonidagi daraxtga arqon bilan o‘zini osib, vafot etgani holati bo‘yicha Bo‘ston tumani prokuraturasi tomonidan tergovga qadar tekshirish harakatlari olib borilmoqda.
Shuningdek, fuqaro N.S.ning marhum akasi rahbarlik qilgan “Bo‘z Iqbol chorvasi” MCHJ tomonidan tumandagi maktabgacha ta’lim tashkilotlariga yetkazib berilgan oziq-ovqat mahsulotlarining pullari to‘lab berilmagani haqidagi murojaati Bo‘ston tumani prokuraturasi tomonidan mutaxassislar ishtirokida ko‘rib chiqilmoqda.
Har ikkala holat bo‘yicha o‘tkazilayotgan tekshiruv viloyat prokuraturasi tomonidan nazoratga olingan. Natijalari haqida qo‘shimcha ravishda ma’lum qilinadi.
Izoh (0)