Тошкент вилояти Зангиота туманидаги Эшонгузар қўрғонида жойлашган трансформаторда ёнғин содир бўлгани ҳақида хабар берилганди. «Ҳудудий электр тармоқлари» ҳолат бўйича қўшимча маълумот берди.
Маълум бўлишича, 26 июль куни соат 16:05 да юқоридаги манзилда жойлашган трансформаторларнинг бирида ёнғин келиб чиққан. Соат 16:13 га қадар ёнғин тўлиқ бартараф этилган. Ҳозирда ёнғин сабаблари ўрганилмоқда.
Қайд этилишича, Зангиота ТЕТК тасарруфидаги 35/6 кВ Н/С «Эшонгузар»дан чиқувчи 6 кВли фидер «Назарбек» ҳаво тармоғи орқали таъминланган мазкур 160 кВАли трансформатор пункти бозор ҳудудида фаолият олиб бораётган тадбиркорлик субъекти – «Аброзий бизнес» МЧЖ корхонаси балансида бўлиб, ушбу трансформатор пунктига хизмат кўрсатиш ва хавфсизлиги учун жавобгарлик ҳам айнан тадбиркор зиммасида ҳисобланади.
Изоҳ (0)