Farg‘ona viloyati Qo‘qon shahrida 435 kilogramm go‘sht sotib olib, uni pulini bermagan shaxs qo‘lga olindi.
2022-yilning may oyida Z.N. tanishi Y.U.ning ishonchiga kirib pulini 2-3 kunda olib kelib berishini aytgan. Jami 435 kilogramm bo‘lgan 28 000 000 so‘mlik go‘sht mahsulotlarini olib boshqa shaxslarga sotib yuborgan. Z.N. firibgarlik yo‘li bilan qo‘lga kiritgan pullarni o‘z ehtiyojlariga sarflab yuborgan.
Mazkur holat yuzasidan Qo‘qon shahar IIB huzuridagi tergov bo‘limi tomonidan Jinoyat kodeksining 168-moddasi 1-qismi (firibgarlik) bilan jinoyat ishi qo‘zg‘atilgan.
Yuqorida ko‘rsatilgan jinoyatni sodir etgan shaxs uch yilgacha ozodlikdan mahrum qilish bilan jazolanishi mumkin.
Izoh (0)