Bugun,

  • USD 11095.31
  • RUB 173.84
  • EUR 10772.44

AQSH Kongressining Vakillar palatasi Finlyandiya va Shvetsiyaning NATOga qo‘shilishini qo‘llab-quvvatlovchi rezolyutsiyani ma’qulladi, deyiladi tegishli hujjatda. 394 nafar deputat qarorni yoqlab, 18 nafar deputat qarshi ovoz bergan.

Foto: AP Photo

Foto: AP Photo

Ushbu hujjat Finlyandiya va Shvetsiyaning NATOga a’zo bo‘lish qarorini qo‘llab-quvvatlashni bildiradi va Shimoliy Atlantika alyansiga a’zo mamlakatlarni ham bu ikki davlatning alyansga qo‘shilishini rasman qo‘llab-quvvatlashga chaqiradi.

Avvalroq Finlyandiya va Shvetsiyaning NATOga qo‘shilishi haqidagi protokollar PolshaEstoniya, Islandiya, Kanada tomonidan ratifikatsiya qilingan edi.

18-may kuni Finlyandiya va Shvetsiya Ukrainadagi jangovar harakatlar avj olgan bir paytda NATOga qo‘shilish uchun ariza bergan. Turkiya Xelsinki va Stokgolmni mamlakatda taqiqlangan Kurdiston Ishchilar partiyasi bilan hamkorlikda ayblab, ularning alyansga qo‘shilishga bir muddat to‘sqinlik qildi.

12-iyul kuni AQSH prezidenti Jo Bayden AQSH Kongressi Senatiga mamlakatlarning NATOga kirishi haqidagi protokollarni ratifikatsiya qilish uchun kiritdi. Rossiya prezidenti Vladimir Putin Finlyandiya va Shvetsiya o‘z hududiga alyansning harbiy infratuzilmasini joylashtirsa, Moskva tegishli javob berishga majbur bo‘lishini aytdi.

Mavzuga doir: Finlyandiyada Rossiya bilan chegara yaqiniga NATO bazasini joylashtirish taklif qilinmoqda

Izoh
Asosiy yangiliklar
Dunyo
Amerikalik milliarderning terrorchiga aylangan nabirasi, Atlantikada to‘qnashib ketgan ikki suv osti kemasi va AQSHning birinchi prezidentiga aylangan Vashington.
Dunyo
Fransiyada poyezdda ketayotgan yigit o‘zini portlatib yuborish bilan tahdid qildi
Sport
“Barselona” MLS vakilini ro‘yxatdan o‘tkazishda 18 soniya kech qolgan