Ronaldu Saudiya Arabistoni klubining 275 millionlik taklifini rad etdi

“Manchester Yunayted” hujumchisi Krishtianu Ronaldu Saudiya Arabistoniga borishdan bosh tortdi.

ESPN nashrning xabariga ko‘ra, portugaliyalikka Saudiya Arabistonining mahalliy jamoasi ikki yil uchun 275 million yevro taklif qilgan. Ammo Ronaldu ushbu taklifni rad etgan.

Hujumchi Yevropada qolib, sovrinlar uchun kurashishni maqsad qilgan.

Ma’lumot uchun, Ronaldu oilaviy sabablarga ko‘ra “Manchester Yunayted”dan qo‘shimcha ta’til olgan. U qatorasiga to‘rt marta mashg‘ulotlarni o‘tkazib yubordi. Krishtianuning “Manchester Yunayted” mashg‘ulotlariga qachon qo‘shilishi noma’lum.

Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.