«Бавария» ва «Атлетико» Роналдуга қизиқишини сақлаб қолган. «Челси» эса курашдан чиқди

«Манчестер Юнайтед» ҳужумчиси Криштиану Роналду фаолиятини Испания ёки Германияда давом эттириши мумкин.

ESPN нашрининг ёзишича, португалиялик футболчига «Бавария» ва «Атлетико» ҳамон қизиқиш билдирмоқда.

Раҳим Стерлинг трансферини эълон қилган «Челси» Роналду учун курашдан чиқди.

Аввалроқ Криштиану Саудия Арабистони жамоасининг 275 миллионлик таклифини рад этгани хабар қилинганди.

Маълумот учун, Роналду оилавий сабабларга кўра «Манчестер Юнайтед»дан қўшимча таътил олган. У қаторасига тўрт марта машғулотларни ўтказиб юборди. Криштианунинг «Манчестер Юнайтед» машғулотларига қачон қўшилиши номаълум.

Роналду 2021/22 йилги мавсум манкунианликлар сафида барча мусобақаларда 39 та ўйинда майдонга тушиб, 24 та гол ва 3 та голли узатмани амалга оширди.