Samarqand shahridagi Siyob bozori yonidagi ko‘prikdan o‘zini pastga tashlamoqchi bo‘lgan ayol to‘xtatib qolindi. Bu haqda viloyat IIB matbuot xizmati xabar berdi.
Ma’lum qilinishicha, 14-iyul kuni soat 8:20 larda Ishtixon tumanida yashovchi S.U. (1991-yilda tug‘ilgan) Samarqand shahridagi Siyob bozori yonidagi ko‘prikdan o‘zini pastga tashlamoqchi bo‘lganida, shu yerdan o‘tib ketayotgan fuqarolar tomonidan to‘xtatib qolingan.
Dastlabki tekshiruvlar uning ushbu holatni sodir etishiga oilasidagi nosog‘lom muhit sabab bo‘lganligini ko‘rsatmoqda.
Hozirda holat yuzasidan Samarqand shahri bo‘yicha IIO FMB tomonidan tergovga qadar tekshiruv harakatlari olib borilmoqda.
Eslatib o‘tamiz, 11-iyul kuni Samarqand shahar qo‘riqlash bo‘limi xodimlari tomonidan o‘zini Zarafshon daryosi ko‘prigidan tashlamoqchi bo‘lgan 18 yoshli qizning hayoti saqlab qolingandi.
Izoh (0)