Самарқанд шаҳридаги Сиёб бозори ёнидаги кўприкдан ўзини пастга ташламоқчи бўлган аёл тўхтатиб қолинди. Бу ҳақда вилоят ИИБ матбуот хизмати хабар берди.
Маълум қилинишича, 14 июль куни соат 8:20 ларда Иштихон туманида яшовчи С.У. (1991 йилда туғилган) Самарқанд шаҳридаги Сиёб бозори ёнидаги кўприкдан ўзини пастга ташламоқчи бўлганида, шу ердан ўтиб кетаётган фуқаролар томонидан тўхтатиб қолинган.
Дастлабки текширувлар унинг ушбу ҳолатни содир этишига оиласидаги носоғлом муҳит сабаб бўлганлигини кўрсатмоқда.
Ҳозирда ҳолат юзасидан Самарқанд шаҳри бўйича ИИО ФМБ томонидан терговга қадар текширув ҳаракатлари олиб борилмоқда.
Эслатиб ўтамиз, 11 июль куни Самарқанд шаҳар қўриқлаш бўлими ходимлари томонидан ўзини Зарафшон дарёси кўпригидан ташламоқчи бўлган 18 ёшли қизнинг ҳаёти сақлаб қолинганди.
Изоҳ (0)