Toshkent shahrida 50, 109A va 86-sonli yo‘lovchi avtobus yo‘nalishlarining harakati va jadvallari soniga o‘zgartirish kiritildi. Bu haqda “Toshshahartransxizmat” xabar qildi.
Qayd etilishicha, 5-avtobus saroyi filialiga biriktirilgan 50-sonli Yunusobod mavzesi 9-daha M.Yusuf ko‘chasi avtobus yo‘nalishining harakati Do‘rmon yo‘li ko‘chasidan T.Malik, Binokor, Milliy bog‘ ko‘chalari orqali “Chingeldi” mahallasi bekatigacha tashkil etiladi. Yo‘nalish 50-sonli Yunusobod mavzesi 9-daha — “Chingeldi” mahallasi avtobus yo‘nalishi deb nomlangan va yo‘nalishdagi jadvallar soni haftaning barcha kunlariga 5 (+1) ta etib belgilangan.
8-Avtobus saroyi filialiga biriktirilgan 109A-sonli Chiqursoy temiryo‘l stansiyasi—Chorsu metrosi avtobus yo‘nalishining to‘g‘ri yo‘nalishdagi harakati Qorasaroy, A.Qodiriy, Zarqaynar ko‘chalari orqali Chorsu metrosi bekatigacha tashkil etiladi. Qaytish yo‘nalishi o‘zgartirishsiz qoldirilgan.
12-Avtobus saroyi filialiga biriktirilgan 86-sonli Sergeli mavzesi 12-daha—Chilonzor buyum bozori avtobus yo‘nalishining ish tartibi soat 05:30 dan 21:00 gacha, yo‘nalishdagi jadvallar soni shanba va yakshanba kunlariga 4 (+2) tadan etib belgilangan.
Mavzuga doir:
Izoh (0)