Тошкент шаҳри Шайхонтоҳур туманида 5 июль куни электросамокат ҳайдовчиси ариққа тушиб кетди. Бу ҳақда шаҳар Ички ишлар бош бошқармаси хабар қилди.
Қайд этилишича, шу куни тахминан соат 01:55 ларда Шайхонтоҳур тумани Қоратош кўчасида фуқаро С.V. (1995 йилда туғилган) электросамокатда ҳаракатланиб кетаётиб, бошқарувни йўқотган ва йўлдан чиқиб, ариққа тушиб кетган.
Ҳодиса оқибатида электросамокат ҳайдовчиси оғир тан жароҳатлари олиб, касалхонага ётқизилган. Тиббиёт ходимлари томонидан кўрсатилган муолажаларга қарамай, 11 июль куни вафот этган.
Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисмида назарда тутилган жиноят аломатлари билан жиноят иши қўзғатилган.
Изоҳ (0)