Sirdaryo viloyatining Sayxunobod tumanidagi xonadonda giyohvand o‘simliklar yetishtirib kelinayotgani aniqlandi. Bu haqa viloyat IIB matbuot xizmati xabar berdi.
Viloyat IIB va Sayxunobod tumani IIB JQB xodimlari tomonidan olib borilgan tezkor tadbir davomida Sh.Sh.ning (1982-yilda tug‘ilgan) yashash xonadoni ko‘zdan kechirilganda, omborxonasida jami og‘irligi 3 kilogramm 262 gramm quritilgan holatdagi ko‘knori poyasi, ko‘knori boshog‘i va marixuana giyohvandlik vositalari, 4 tup nam holatdagi nasha giyohvandlik o‘simliklari noqonuniy saqlab kelayotgani ma’lum bo‘lgan.
Bundan tashqari, tomorqasida 1 tup nasha va 117 tup ko‘knori giyohvandlik o‘simliklarini ekib, parvarishlab kelayotgani aniqlanib, daliliy ashyo sifatida olingan.
Holat yuzasidan Jinoyat kodeksining 276-moddasi 2-qismi “a” bandi va 270-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
Bundan avval Sirdaryo viloyati Xovos tumanidagi xonadonda giyohvand o‘simliklar yetishtirib kelinayotgani aniqlangandi.
Izoh (0)