Bugun,

  • USD 11014.01
  • RUB 191.8
  • EUR 10674.78

O‘zbekiston aholisida so‘nggi 5-6 yil ichida sayohatga chiqish madaniyati shakllana boshlagan. Bu haqda AOKAda bo‘lib o‘tgan matbuot anjumanida Turizm va madaniy meros vaziri o‘rinbosari Botirjon Shahriyorov ma’lum qildi, deya xabar bermoqda “Daryo” muxbiri.

Botirjon Shahriyorov

Botirjon Shahriyorov
Foto: Turizm va madaniy meros vazirligi

Botirjon Shahriyorovning aytishicha, mamlakat aholisining 20 million nafardan ortig‘ida sayohatga chiqish qobiliyati mavjud.

“2021-yilda 6 million nafar mahalliy sayyoh ichki turizm yo‘nalishida sayohatni amalga oshirgan.  Lekin 6 million kishi ichidan qanchasi, necha marta sayohatga chiqqanini olsak, albatta, raqamlarimiz juda ham kam bo‘ladi. Chunki  bir fuqaro yil davomida bir necha bor sayohatga chiqqan bo‘lsa ham, ushbu raqam ichida o‘tiribdi. Bunda umumiy hisob 3-4 barobarga kamayadi. Hozir respublikada sayohatga chiqish qobiliyati mavjud 21 million nafar aholi bor.

Bizda ichki turizmni kengaytirish bo‘yicha imkoniyalar keng bo‘lsa-da, hali uni to‘liq bajarishda yetarli darajaga chiqdik, deb ayta olmaymiz. Buning uchun juda ko‘p ishlashimiz kerak. Aholi orasida olib borilgan o‘rganishlar shuni ko‘rsatadiki, odamlarda haqiqatan ham oxirgi 5-6 yil ichida, endi-endi sayohatga chiqish madaniyati shakllanyapti. Ularni sayohatga olib chiqish uchun biz yetarli darajada xizmat ko‘rsatadigan turistik kompaniyalarni, turizm infratuzilmasini yoki aholida sayohatga chiqish uchun davromad manbayiga ega bo‘lish imkoniyatlarni yetarli darajada yarata olganimiz yo‘q”, – dedi vazir o‘rinbosari.

Botirjon Shahriyorovning ta’kidlashicha, kelgusi 5 yilda aholini ichki turizmga jalb qilish darajasini 3-4 barobarga oshirish rejalashtirilgan.

Ma’lumot uchun, 2021-yil davomida O‘zbekistonga tashrif buyurgan xorijiy sayyohlar soni 1 million 881 ming 345 nafarga yetib, turistik xizmatlar eksporti 422 million 100 ming AQSH dollarini tashkil etgan. O‘tgan yilda turizm sohasidagi barcha investitsiya loyihalari doirasida umumiy qiymati 6 trillion 900 milliard so‘m bo‘lgan mablag‘lar o‘zlashtirilgan.

Izoh
Asosiy yangiliklar
Mahalliy
O‘zbekistonda qancha pedagog faoliyat yuritayotgani ma’lum bo‘ldi
Mahalliy
“Ikki milliondan ortiq o‘zbekistonlik xorijda mehnat qilib, daromad topmoqda” — Mehnat vaziri
Maslahatlar
Qo‘llardan piyoz, sarimsoq va baliq hidini ketkazishning 10 usuli