Toshkent shahar adliya boshqarmasi tomonidan 656 mln 377 ming 909 so‘m miqdoridagi nafaqalar undirildi hamda 28 ta mansabdor shaxslarga nisbatan ma’muriy takliflar kiritildi. Bu haqda Toshkent shahar adliya boshqarmasi axborot xizmati “Daryo”ga xabar berdi.
Toshkent shahar boshqarmasi tomonidan poytaxtdagi barcha davlat tashkilotlari va muassasalariga Mehnat kodeksining 233-moddasi (Homiladorlik va tug‘ish ta’tillari) talablariga rioya etish ahvoli tahlil qilingan.
Tahlil natijasiga ko‘ra, bir qator davlat tashkilotlari va muassasalari tomonidan qonun hujjatlari talablari buzilganligi holatlari aniqlangan.
Qonunchilikda belgilangan normalarga asoslanib, boshqarma tomonidan aniqlangan qonunbuzilish holatlari yuzasidan jami 28 ta taqdimnoma kiritilgan. Shuningdek, homiladorlik va tug‘ish ta’tilida bo‘lgan jami 83 ta xodimga 656 mln 377 ming 909 so‘m homiladorlik va tug‘ish nafaqalari undirib berilgan.
O‘rganish natijalari asosida 28 ta mansabdor shaxslarga nisbatan ma’muriy javobgarlik masalasini ko‘rib chiqish haqida Toshkent shahar bandlik bosh boshqarmasiga 28 ta ma’muriy taklif kiritilgan.
Izoh (0)